Gobierno di Curacao durante un conferencia di prensa dialuna mainta a informa Lock Down pa e isla cuminsando for di 24 di maart 2021 pa dos siman y ta re-introduci plachi di dia. Esaki ta debi na e contagionan di Corona Virus y Variante Britanico cu ta aumentando y tin cu trece e contagio bek na control e prome Minister a menciona. Tur hende tin cu traha na cas.
Toque de Queda ta di 9or di anochi te cu 4:30 mainta.
A introduci e plachi di dia di dialuna pa diahuebs di alfabet, A,D,F,G,H,K, BF, Z, WA, Spoken
Diamars y diabierna: B, J, L, N, R, U, MF
Diaranson y diasabra: S, T, V, X, Y
Riba diadoming por lo pronto transporte vehiculo ta keda prohibi pa subi caya cu excepcion di transporte publico y transporte vital.
E luganan vital cu por keda habri cu nan permit economico te cu 8’or di anochi ta.
Supermerkado • Minimarket
• Toko
• Botika
• Panaderia
• ‘Hardware stores’ • Pòmp di gasolin.
Tur restaurant y truck di pan por ofrece entrega di cuminda for di 12’or merdia te cu 8or di anochi.
Por lo pronto no por bay lama.