E renobacion miyonario ($37 miyon pa ta exacto) di e hotel di 328-kamber na Korsow ta preparando pa complecion den ultimo lunanan di 2019, treciendo un aliento nobo na e propiedad, posiciona impecablemente riba 6 hectare di tereno primo dilanti laman. E transformacion di e Curacao Marriott Beach Resort & Emerald Casino pa e elegante y estiloso Curacao Marriott Beach Resort ta promete un experiencia luhoso y exitante na e isla percibi como e destino definitivo pa Scuba diving, recreacion den aire liber y relaha bao di e famoso solo Caribense.
Unabes completo, e hotel, cu a ser cumpra na 2017 pa Piscamara Beach Resorts, lo ofrece 328 kamber re-imagina y 8 suite diseña pa empresa “Arquitectura de Interiores” basa na Mexico. E apariencia ta inclui caracteristicanan di e influencia maritimo cu elementonan colonial tur combina den un diseño moderno. Kambernan y arenan comun ta comparti e combinacionan di colornan fresco di tononan blau y blanco, sacando inspiracion di a awanan turquesa y anochinan di azure, realza pa tononan di palo natural y tokenan di oraño vibrante. Adicionalmente, cada kamber y suite lo inclui un cantidad di comodidadnan incluyendo balcon priva cu bistanan di laman of pool, televisionan Flat-Screen grandi, camanan luhoso y bañonan estilo Spa. Suitnan ta conta cu salanan expansivo y sofanan convertible.
Award-winning Chef Caribense Dino Jatiano, kende previamente tawata doño di Temptation restaurant na St. Maarten a keda escogi pa yuda desaroya y maneha e propiedad su operacion di food & beverage multi-miyonario di e propiedad. E Curacao Marriott nobo aki lo inclui ocho estabecimento di cuminda y bebida distinto, incluyendo un sushi bar, craft cocktail bar, pool bar relaha, un mercado riba e tereno y mucho mas. Un restaurant signatura di halta cocina yama C-Spice, lo destaca cu su interpretacion moderno di platonan Caribense pa desayuno y cena. E menu lo ofrece platonan cu influencia Antiyano, Europeo y Latino-Americano cu seafod fresco, gara localmente y berdura local selecta cuidadosamente pa crea sabornan excitante y dinamico. Guestnan por opta pa come den aire acondiciona of al fresco riba terasa den aire liber, y despues di cena por disfruta di un hookah y cigar lounge ofreciendo un variedad di rum y licornan premium den e patio espacioso.
Adicional na e experiencia relahante di maraviya, e propiedad lo sirbi e mercado di reunion y conventions cu casi 3,000 meter cuadra di meeting-space tanto paden y pafor. Opcionan ta inclui e Royal Ballroom pa eventonan te cu 375 guest, un Queens ballroom y un espectacular jardin botanico cu un cantidad di mata luhoso y tipico y un brisa suave di laman.
E mehoracionan na e propiedad ta inclui un piscina di entrenamento adicional na e piscina principal dedica na famianan, un facilidad di Gym moderno cu lo ultimo den equipo di fitness, kids club y un loop-pad cu bistanan precioso ta pasa rond di e propiedad. Sirbiendo guestnan cu ta preocupa pa nan salud, e propiedad ta ofrece lesnan di ehercisio cu ta inclui yoga, Pilates y pool-fitness.
E Curacao Marriott Beach Resort nobo ta situa na John F. Kennedy Boulevard, Piscadera Bay, 10 minuut for di Willemstad Historico, e isla su centro pa restaurantnan, shopping y entretenimento y solamente 15 minuut for di Hato International Airport. Pa mas informacion, bishita https://www.marriott.com/hotels/travel/curpb-curacao-marriott-beach-resort/
###
Tocante Marriott Hotels
Cu mas di 500 hotel y resorts den casi 50 pais y teritorio rond mundo, Marriott HOtels ta desaroyando un biahe den cada paso di un guest su estadia, capacitando e proximo generacion pa Biaha Briyantemente. Transformando sumes pa biaheronan mobil y global cu ta combina trabou cu diversion, Marriott ta lidera e industria cu innovacionan, incluyendo e Greatroom Lobby, Future of Meetings y Mobile Guest Services cu ta eleva estilo y diseño cu tecnologia. Tur Marriott hotel ta participa den e programa BonVoy pa esnan cu ta biaha frequentemente por obtene punto di hotel of airline-miles pa cada dollar gasta durante un estadia. Pa mas informacion bishita www.MarriottHotels.com y pa join e combersacion di Marriott, sigui nos riba Facebook (Facebook.com/Marriott) y sigui nos riba Twitter (Twitter.com/Marriott, @Marriott).
Tocante Aimbridge Hospitality
Aimbridge Hospitality ta Merca su inversionista didos mas grandi den industria hotelero cu un record comproba di recoge ganancia pa su partnerna estrategico den un variedad di mercado y ciclonan economico. Aimbridge ta ofrece servicionan di maneho, desaroyo, renovacion y consulta di negoshi. Basa na Dallas, Texas y cu oficina di desaroyo na Chicago, Dallas y Puerto Rico, Aimbridge ta doño of ta maneha mas di 500 hotelnan luhoso tanto independiente como di marca reconosi cu practicamente 70,000 kamber na Estados Unidos y den Caribe. Afiliacionan ta inclui nombernan manera Marriott, Hilton, Embassy Suites, DoubleTree, Hilton Garden Inn, Hampton Inn & Suites, Aloft, Hyatt, Wyndham, Choice Hotels y Phoenix Inn Suites. Pa mas informacion riba Aimbridge Hospitality, please bishita www.aimbridgehospitality.com