Willemstad Curacao: Djadumingu 23 di òktober 2022 alrededor di 09.04’or Sentral di Polis a risibí notifikashon ku riba krusada Bermudaweg /Schottegatweg West tin un aksidente di outo.
Mesora a dirigí unidat polisial na e sitio i nan a topa ku tres vehíkulo enbolví den e aksidente.
Den un di e vehíkulonan akí tabatin un hòmber ko-okupante ku multiple leshon i ku no ta duna señal bida.
Video: Direct Media Curacao Canal 13
For di e investigashon a sali na kla ku e aksidente ta pa motibu ku un shofùr no a duna preferensia i aksidentá pa despues pèrdè kontrol i bai dal den un di vehíkulo ku tabata para na lus di tráfiko.
E shofùr di e promé vehíkulo a sali heridá den e aksidente aki i a keda transportá ku ambulans pa Sala di Emergensia di C.M.C.
Pa 10.12 dòkter di polis ku a presentá na e sitio a konstatá morto di e hòmber,
Rignald Feliciano Francisca, nase na Kòrsou dia 9 di yüni 1948.