Den fin di siman Dutch Caribbean Air Navigation Service Provider a saca un carta di anuncio pa e compania local di avion esta Aruba Airlines. Esaki ta e suspension di comunicacion di e trafico aereo di Curacao cu ta handel e espacio aereo di Caribe pa loke ta Aruba, Curacao y bisindario.
Informe yega na nos mesa di redaccion ta bisa cu diadomingo a dunanan un chens pa regla e asuntonan cu tin pendiente entre Aruba Airlines y Curacao pa loke ta supuesto debe. Curacao su trafico aereo a pone den e carta cu lo suspende e comunicacion cu P4AAA, P4AAC, P4AAD, P4AAE.
Dialuna mainta no a regla e asunto di pago cu Curacao e avion di Aruba Arilines A320-323 P4-AAD a sali for di Miami pasa di 8:00 am ora local rumbo Aruba pa aterisa pa di 11:00 am a haye confronta na 1 ora y mei di vuelo panort di Haiti ariba isla di Inagua ora cu mester a cambia e frequencia di espacio aereo Mericano pa di Caribe cu ta Curacao e no tabata haya e autorisacion for di toren.
E avion a dal mas cu 6 vuela di tur manera a haci un grafiti ariba e mapa di radar, aki a pone cu hefenan di Aruba mester a negocia inmediamente cu Curacao debi cu e avion no por keda pa hopi ora den aire ta bula dbei cu fuel ta caba tambe. Asina e kapitan a sigui dal su buelta panort di Haiti te ora cu a haya un OK pasa di 9:45 am cu e lo por aterisa na Aruba pero lo ground e temporalmente. Asina e avion di Aruba Airlines a baha pasa di 11:17 am, y negosacionnan a sigui y prome cu merdia a cancela e prohibicion y asina a bay Maracaibo merdia.
Si e situacion di e compania sigui debi ta pone cu constant Trafico Aereo Curacao lo manda suspencion di comunicacion pa Aruba Airlines y por perhudicanan constantemente.
Ta conoci cu e situacion financiero di e compania no ta bon cu e grupo Venezolano cu ta handel e compania, despues di a kita un Arubiano cu tabata maneha esaki. Maske tin poco situacion ta draai mucho bon cu hende cu posicion posibelmente gelink na un persona di funcion den un departamento aereo di Aruba tambe ta pone cu e compania ta den un balanse no mucho bon.