Curacao: Dialuna 6 Januari 2020 pa 7:24 anochi central di polis a ricibi un yamada cu den Caya Neblina tin un caso di tiramento y cu tin un persona gravemente herida. Mesora a dirigi algun unidad na e sitio y na yegada di e prome unidad el a topa cu un homber drumi abou den situacion critico cu diferente herida di bala na e parto ariba di su curpa.
https://www.facebook.com/directmediacuracao/videos/477110736341013/
A pidi presencia di ambulance pero e personal no por a haci nada mas pa e victima. Dokter di Polis a yega na e sitio y a constata morto di e homber Jahier Rudolph Evertsz naci na Curacao 13 Januari 1990.
For di investigacion a sali na cla cu tabatin problema entre algun hoben cu a bin termina cu un tiramento den Caya Neblina, cu e consecuencia fatal.
Cortesia: Direct Media Canal 13