Willemstad Curacao: Djasabra 5 di yanüari 2019 alrededor di 05.48’or di mainta, Sentral di Polis a risibí informashon di un kaso di tiramentu ku a tuma lugá na kuminsamentu di Caracasbaaiweg en frente di un agensia di outo.
Na yegada di e promé unidat, nan a bin topa un hòmber drumi abou ku un kantidat di herida di bala na e parti ariba di su kurpa.
https://www.facebook.com/yvesgcooper/videos/10216158024717011/
Riba kaya i den bisindario di e víktima, tabatin un gran kantidat di kashi di bala.
A pidi presensia di personal di ambulans ku urgensia na e sitio, pero na nan yegada no por a hasi nada mas pa e víktima.
Dòkter di polis ku a presentá na e sitio, a konstatá morto di e hòmber Dhenico Johannes Pauletta, nase na Kòrsou dia 13 di ougùstùs 1985.
https://www.facebook.com/yvesgcooper/videos/10216157868753112/
For di investigashon preliminar a sali na kla ku e víktima tabata huntu ku mas konosí na e sitio i direpente un outo a pasa i un òf mas okupante di e outo aki a los diferente tiru dirigí riba e víktima, ku e konsekuensia fatal.
Riba òrdu di fiskal di Ministerio Públiko a konfiská e kurpa sin bida pa hasi outopsia. Investigashon den e kaso aki ta kontinuá.