Willemstad Curacao: Djadumingu 2 di yüli 2017 alrededor di 03.06’or, Sentral di Polis a dirigí un patruya pa e Kaminda ku ta bai Willibrordus na altura di Hermanus pa un aksidente ku un(1)herido grave. Na yega di e patruya polisial nan a bin topa ku un outo di bòltu ku hòmber aden.
For di un investigashon preliminar ku polis a hasi na e sitio, a sali na kla ku e hòmber (shofùr) di e outo aki tabata koriendo riba e kaminda di Willibrordus direkshon pabou. Pa un motibu ku te na e momento aki ta deskonosí, e shofùr di e outo aki a kita na su man robes i a bai dal den un pipa di heru / kurá di betòn i bòltu. Na yegada di e patruya polisial e shofùr di e outo no tabata duna señal di bida mas.
Alrededor di 04.30’or dòkter di polis a konstatá morto di e víktima(shofùr) aki, Egbert Pablo Boutisma, nasé na Kòrsou 17 ougùstùs 1964. E víktima a fayesé a konsekuensia di múltiple leshon ku e la sufri durante di e aksidente.
Departamento di Tráfiko ta kontinuá ku e investigashon.