Willemstad Curacao: Djárason 20 di aprel 2022 alrededor di 21.03’or, Sentral di polis a risibí informashon di un aksidente di tráfiko ku a tuma lugá na Groot Sta. Martha na altura di Rooi Soto.
Mesora a dirigí unidat polisial i ambulans na e sitio.
Na nan yegada nan a bin topa un pikòp di boltu.
For di investigashon preliminar a sali na kla ku shofùr di e pikòp tabata bayendo den di direkshon di Soto i debi na velosidat haltu el a pèrde kontrol riba su stürwil i konsekuentemente bai kore den skual.
Debi na esaki e pikòp saka e shofùr for di e vehíkulo. A konsekuensia di esaki e vehíkulo a boltu riba su kabes.
E víktima no tabatin faha di seguridat bisti durante di e aksidente.
E shofùr a fayesé na e sítio di aksidente mes.
Dòkter di polis ku a presentá na e sitio a konstatá morto di e hòmber víktima kual a kedá indentifika komo Walther Gerhard Sabino SAMBOE, nase na Kòrsou di 35 aña di edat. Investigashon den e kaso aki ta kontinuá