Willemstad Curacao: Aksidente di tráfiko ku morto.
Willemstad Curacao: Diasabra 23 Maart 2019, alrededor di 19:50 central di polis a dirigi algun unidad pa Sta Rosaweg pa un accidente di trafico, caminda tin algun persona gravemente herida. Na yegada di e prome unidad, el a bin topa cu un vehiculo bastante destrui y un dama benta abou riba caya. Den e vehiculo tabata tin tres otro ocupante.
https://www.facebook.com/yvesgcooper/videos/10216700228711772/
For di e investigacion cu polis a realisa na e sitio, a sali na cla cu e chauffeur di e vehiculo aki tabata core riba Sta Rosaweg den direccion di Schottegatweg-Oost cu un velocidad basta halto.
Na Altura di Suikertuintjeweg e lo mester a perde control tras di stuur, baha caminda for di caminda na man drechi y bay dal contra di un muraya. Despues di e impacto aki e vehiculo a zwaai y saca e ocupante cu tabata sinta patras di e chauffeur y bente riba caya. Debi na e multiple lesionnan cu victima a sufri el a bin fayece na e sitio. Dokter di polis un rato despues a constata morto di Clavienna Rebecca Isidora naci na Curacao 31 December 1993. E tres otro ocupantenan a keda hiba hospital.