A yega ora pa cuminsa educa nos gruponan cu no ta hayando trabao pa motibo di educacion pa cual ATIA a trata e topico aki cu minister di Labor, Sr. Glenbert Croes, despues di a mira un proyecto di SENA na Colombia.
ATIA ta wak e oportunidad di trece trainingnan pa ofrece training na Aruba pa hisa e nivel di educacion di cierto gruponan. En berdad ta wak e mercado laboral ta uno cu ta rekeri cu e base di trabao mas simpel. pero si upgrade e grupo ey, ta mehora e salario y e calidad di bida tambe. Esey ta e direccion cu ATIA tin pensa di bay, den un cooperacion cu SENA pa ofrece un curso den varios area y esey ta un di e puntonan cu lo kier trece.
A trece e topico aki cu minister Glenbert Croes y e ta hopi interesa di reuni cu e grupo aki, pa wak kico ta e oportunidadnan aki ta en berdad den esey. Na Aruba tin Enseñansa pa Empleo, cu ta wordo subsidia door di gobierno, pero tin ora tin e sentimento cu e ciudadano mes no ta duna di su parti, pa cual ATIA lo por yega na un areglo cu gobierno pa e departamento aki ta mas activo, pa yuda e grupo di hende cu ta buscando trabao. ATIA a papia cu un di e conseheronan di e minister di Educacion y ta papiando cu e tema aki mes. Segun Sra. de Groot, Enseñansa pa Empleo ta ofrece cierto cursonan, pero no semper ta cursonan cu ta sluit aan ariba e mercado laboral y esaki ta un investigacion cu ATIA ta haciendo actualmente, di kico e mercado laboral mester y e ora ta trece e trainingnan. Pa tin un miho coordinacion entre e cursonan y e mercado laboral. Aworaki e ta mas dirigi ariba peticion cu loke ta e demanda, segun Sra. Michelle de Groot, di ATIA.