CALAIS, Francia – Contratistanan a cuminsa desmantela e campo di refugiadonan improsiva na Calais diamars. Nan mester a uza mokel y demas hermentnan pa por a sloop e “Jungle”, manera cu e ta wordo yama.
Polisnan tabata arma cu cañon di awa, tirando un bista, mientras cu cientos di imigrante tabata wardando riba bus. Nan a wordo hiba na centronan di refugio otro camindanan na Francia. Segun funcionarionan, e operacion a bay trankil.
Gobierno a manda diamars anochi trahadonan social y traductornan cu pamfletanan den e campamento. Nan mester a convence e habitantenan pa prepara nan mes pa nan salida for di e Jungle.
Algun imigrante a pasa lunanan largo y hasta aña den e campamento. “Nos sa cu el a caba,” un Afgano di 21 aña a bisa, kende tabata na caminda pa un hangar caminda imigrantenan a wordo registra.
E refugiadonan cu a bay na centronan di refugio oficial, a bin en particular for di Afganistan, Sudan, Etipia y Eritrea. Tur kier a bay Gran Britania. E pais a tuma mas tanto muchanan sin guia. Nan ta keda na un luga separa.
Fuente: ANP