Relaciona cu e caso hopi lamentabel, caminda un criatura di 5 aña ta fayece a consecuencia di maltratonan ricibi, y cu su otro ruman ta perdi, vocero di polis Sr. Lito Lacle a splica kico ta e pasonan cu a ser tuma di parti di polis pa por cuminsa diasabra cu e plan nacional di buskeda.
E mobiele eenheid a subi warda pa cuminsa cu e buskeda wardando ariba Marina Real pa nan join, pa conhuntamente, bay over na haci e buskeda. Nan no ta bay keda warda ariba e investigacion penal, esey ta cana su caminda. Sr. Lacle ta sigur cu su coleganan lo haci nan trabao pa asina yega te na e bom di e problema. Cualkier persona cu tin cualkier informacion, por tuma contacto cu nan tipline 11141 y Cuerpo Policial ta garantisa cu tur informacion ta anonimo. E mas importante aworaki ta pa resolve e caso aki.
ROL DI MARINA REAL
Segun Sr. Lacle, nan kier tin mas manpower posibel, pa purba haya e criatura di 3 aña aki. Esey ta e tarea primordial aworaki di Cuerpo Policial, tanten cu e investigacion penal ta andando.
Por ultimo, mas melding drenta, di unda por a wak e mucha aki, ta importante. Pa narrow down y haya e mucha aki na bida. Ta haci un oracion na Dios Tata pa por haya e mucha aki na bida.