Aruba ta den su ultimo siman di campaña politico y polis lo ta aplica cero tolerancia durante e ultimo siman di campaña. Vocero di Polis, Sr. Lito Lacle, ta amplia mas ariba esey.
Segun Sr. Lito Lacle, e aplicacion di cero tolerancia durante e parada di partidonan politico ta facilita nan trabao tambe, den e parti administrativo ora cu detene un persona. Esaki ta haci’e mas facil y pa agilisa e proceso.
Faltando 10 dia pa Aruba bay eleccion, unda cu nos tin e privilegio aki y mester respeta cada ken nan opinion. Esey ta hopi importante y pesey e ta wordo yama democracia. Na final di dia, ariba 25 di September nos tur ta keda biba aki riba e pida baranca aki, cu yama Aruba.
Actualmente e peticionnan di concede permiso pa tene un parada politico, cual tur tres partido a entrega un peticion, ta den proceso. Asina cu tin un decision ariba esaki, Cuerpo Policial lo informa e pueblo di esaki. Partido POR lo tene nan parada dia 16 di September.
Ley seco
Cuerpo Policial a combersa cu Corsou, caminda cu na Corsou nan a deshaci di e idea di bin cu ley seco. Motibo di esaki ta cu historia ta proba cu ora di bin cu ley seco di diahuebs pa diabierna, e pueblo lo bay over lo bay laga e supermercadonan bashi di alcohol.
Ta keda na mando policial pa dicidi ariba esaki hunto cu Ministerio Publico, segun Sr. Lito Lacle, vocero di Cuerpo Policial.