ATA y Ministerio di Turismo ta sigura cu un di e instrumentonan mas importante di pais Aruba cu ta e siguridad cu ta un di e argumentonan principal cu un turista ta bishita Aruba, sigui wordo manteni na un nivel halto manera cu e ta na e momentonan aki y pesey a haya ta necesario pa duna e sosten aki na Cuerpo Policial, despues cu a bishita y reuni cu Alto Comisario di Polis y henter su grupo cu ta encarga cu esaki, a discuti riba e renobacionnan cu a tuma luga.
Segun minister Otmar Oduber, e aña aki, pa loke ta resta, a aloca den e presupuesto di ATA, mey miyon adicional riba e tres kwart miyon cu tabata tin pa loke ta Aruba Hotel & Security Foundation cu ta dirigi e placa pa Cuerpo Policial y esaki a delantando riba e aña cu ta bin 2017, caminda cu tin miembronan di Parlamento den un mocion cu a wordo pasa pa Parlamento pa purba di aloca mas fondo posibel pa Cuerpo Policial, a pone un mocion caminda cu ta busca espacio necesario dentro di ATA pa por pone fondonan disponibel.
E minister a comenta cu siman pasa, despues cu e maneho pa loke ta presupuesto di ATA a drumi na Parlamento, cu aprobacion di miembronan di Parlamento, a aloca un suma adicional di 5 miyon polis, pa yuda Cuerpo Policial den ekipo, den visibilidad presencia, pa loke ta trata muy en particular areanan turistico cu ta duna minister di Husticia tambe un oportunidad dentro di su presupuesto pa por ta un tiki mas activo rond di nos isla.
Siguridad no ta solamente den e area turistico, sino siguridad pa henter nos isla pa tur nos hendenan, cu por brinda e instrumento di siguridad, safety cu tin na Aruba pa loke ta nos bishitantenan.
E minister a felicita e Cuerpo cu ta traha akinan, caminda cu ta mira nan presencia hopi cla den centro di ciudad pa mas di 700 mil bishitante cu tin di barconan crucero cu ta bishitando den High Season. Ta e temporada halto pa loke ta trata trabao cu ta wordo haci, no unicamente di siguridad. E grupo aki ora cu mira nan riba caya, con nan ta guia e trafico, con nan ta guia e personanan cu ta baha na miles, ora cu tin varios barco na Aruba. E sosten cu nan ta brinda na DTP, cu ta percura tambe pa e parti di transporte publico na nos wafnan, dentro y rond di nos centro di ciudad, ta palabra di elogio cu kier tin y no tur biaha mester wak pa e critica cu tin riba Cuerpo Policial, pero den e caso aki tambe elogionan grandi y e trabao grandi cu ta wordo haci door di esnan cu ta traha den Cuerpo Policial pa brinda siguridad pa nos mes, pero tambe na e bishitantenan cu ta yega Aruba.
Di parti di ministerio di Turismo ta un inicio di un trayecto di hopi aña caminda cu ATA, atrabes di Aruba Hotel & Security Foundation, ta yuda Cuerpo Policial cu ekipo, pero na un forma acelera, mirando e necesidad cu tin den Cuerpo tambe pa mas inversion wordo haci cu ATA a mira y e importancia den esaki. Ta un honor pa e minister ta eynan presente y mira un espacio mas agradabel, di e entrega di e prome ekiponan na e seccion di informacion di Cuerpo Policial cu a tuma luga y pa sigui cu e inversionnan grandi cu ta sigui den resto di aña, e minister a comenta.
E mey miyon cu lo bay wordo inverti den ekipo, en particular den vehiculonan pa por controla nos costanan. Tres auto cu ta wordo cumpra completamente nobo, ekiponan di anochi, iluminacion, etc, pa e vigilancia por tuma luga, mientras cu den sector turistico por brinda tambe mas atencion atrabes di ekiponan cu ta wordo brinda na diferente grupo den centro di ciudad, pero tambe rond di e area turistico den Palm Beach como tambe na San Nicolas.