Den cuadro di e celebracion di 15 aña di existencia di Cuerpo Especial Arubano, Sr. Ronny Geerman, director a presenta kico ta nan vision y retonan cu CEA ta confronta cun’e.
E reto semper ta keda personal, dus e falta di personal y upgrade nan personal. CEA tin e mision y vision como organisacion pa garantisa e cuido tur esunnan den comunidad, y den departamento di gobierno, tur esunnan cu ta den e edificio y asina e otro departamentonan tambe por haci nan trabao, den e parti di husticia.
Un otro reto di CEA ta sigui cu e plannan pa amplia personal pero tambe bin cu tecnologianan nobo , sistemanan efectivo pa brinda e servicio di siguridad na departamentonan di gobiernio.
E aporte tambe di CEA ta brinda e servicio y aporte den e parti hudicial y di husticia.
Crimen a bira mas grandi na Aruba y CEA ta sigui e trend rond di nan na nivel mundial. Ta purba di haci e trabao mas safe posibel, y pesey a busca aliansa cu Hulanda, cu tin añanan largo ta haciendo e trabao aki. Nan ta cera un convenio cu institutonan na Hulanda, unda nan lo yuda CEA den educacion y material pa asina brinda un miho servicio na gobierno y comunidad.
Hopi scol ta pidi pa cuido di siguridad y tin scol ta cay bou di gobierno, y segun Sr. Geerman nan no tin pensa di drenta scolnan, pero si nan tin e suficiente personal, nan lo dispuesto pa haci esaki si gobierno pidi nan. Sr. Geerman ta yama esakinan ‘special projects’unda cu ta bay pa un tempo determina, pero trabaonan tin cu sigui tambe, segun Sr. Ronny Geerman, director di Cuerpo Especial Arubano, CEA.