Relaciona cu e candela dialuna marduga na Cacique Macuarima unda lokalnan cu sea a sufri daño di candela completo y otro di awa y dañonan ta grandi atras varios persona y instancianan a sali pa duna un man. Diahuebs mainta personalnan di cuerpo di bombero a dicidi cu ta bay duna un man na e scol door di haci e localnan limpi dunnando un man na benta e lesenaarnan, cashi etc afecta afo y na ultimo a haci e lokalnan limpi cu awa unda ta haci e trabou mas facil.
E personalnan di bombero a duna un man henter e dia pa cu esaki y Parlamentario Sr Edgard Vrolijk como ex docente di e scol aki tambe tabata t’ey for di man mainta yudando y contento cu e aporte cu e scol ta hayando. Varios persona mas tabata presente durante e dia pa yuda pa esaki cana lihe pa cu e limpiesa.