Un biaha mas e fecha di 24 di Juni ta yegando, e fecha caminda Aruba ta celebra dia di Dera Gai pa cual di parti di bombero ta preparando pa cu esaki segun Sr. Ferdinand Ponson, vocero di Cuerpo di Bombero ta splica.
Dera Gai ta un fecha conoci pa ta festeha y ta kima sushi, aunke pa ley e no ta permiti. Pero si pa mantene bo espacio di bo cas, chapi den bo cura, zorg pa candela no yega cerca di bo pertenencianan. Si bo tin un veld cerca di bo cas, si bo auto ta para riba e veld. No haci esey pa nada no wordo kima, pa candela di yerba of di sushi pa esaki no yega cerca di bo pertenencianan. Evita disgusto ariba e dia aki.
Cual ta e dolor di cabes pa e bomberonan tur aña?
Tur aña e dolor di cabes ta varios candela na mes momento. Pueblo mester ta mas consciente. E dia aki ta un dia caminda cu Bombero ta henter dia ariba caya. Por haya situacion unda cu ta drenta melding di un candela chikito, y tin otro melding cu un candela ta menasa un cas. E ora bombero mester evalua pa asina brinda asistencia. Bomberonan ta traha via prioridad.
Recomendacion pa esunnan cu ta kima e sushi cerca di cas of otro propiedad?
Sr. Ferdinand Ponson a conseha personanan cu ta pensa di bay kima ariba e dia ey, di kima sushi cerca di cas pa nan pens’e bon y hiba esakinan dump di Parkietenbos. Den historia ta asina cu e dia aki ta dia pa kima pa core cu fucu, pero awendia ta kima pa kima, pa maldad. Mester tene cuenta cu awendia Aruba ta hopi mas habita. Band’i pabao di bo cas, por tin baby, por tin hende grandi eynan. Tambe por tin un cas pa anciano y e huma ta molestia e habitantenan y ta pidi pa tene consideracion.
Awendia diferente Centronan di Bario ta festeha e dia aki. Ta consehabel pa haci esey y disfruta di e cultura, goza di dje y evita di cende candela. Antes nos grandinan tabata kima plantacion y no loke nan ta haci awendia. Esaki segun Sr. Ferdinand Ponson, vocero di Cuerpo di Bombero.