Cuerpo di Bombero ta haci trainingnan diario y tin di nan ta di practica y algun otro ta den e parti teoretico. Sr. Ferdinand Ponson, di Cuerpo di Bombero ta splica.
E parti teoretico a wordo haci caba y nan a bay den centro di ciudad, pa nan parti di practica. Bomberonan tin e sistema di aanval via di e zijwegnan, pero si acaso algo bay fout y mester escala y haci un atake via e binnenweg, esey ta haci den caya for di banda pariba, y bay full den caya.
TIn camindanan den Caya Grandi, caminda cu e trucknan no ta pasa, pero basa ariba e plan plus traha unda cu via e zijwegnan e trucknan ta bin para y nan ta para unda nan por yena for di hydrant y charge e liña cu tin den caya, poni via e plannan cu tabata tin ora cu a upgrade caya. Nan a pone tuberia den caya, unda brandweer por pone nan opzet stuk pa nan haci un aanval for di den caya mes. No ta cuestion cu brandweer no por ataca un candela den caya, sea ta uza zijweg of no. Tin camindanan cu trucknan no por bira pa bay den caya, paso e bocht ta mucho chikito, pero tin diferente puntonnan strategico den caya y bringa candela di e manera ey.
E hydrantnan ta den bon condicion, ya caba nan a haci algun trainingnan den ora di nachtdienst, pero den capacidad abao, pa no overbelast sin tin mester. Den caso di candela den Caya Grandi, e zijwegnan cu bomberonan ta uza pa yega na unda tin candela, ta haci nan parti mas facil, y si algo mester bay fout eynan, cu e plan plus mester drenta den wega, lo haci e parti di atake for di den caya mes. Pero den un caso asina, dos truck lo bin sigur y lo uza tur dos opcion pa haci e atake.
E afdeling di prevencion di Cuerpo di Bombero ta bezig ta haci control den caya, drentando diferente luganan y duna advies pa drecha loke nan mester drecha, y pa ta al dia, vooral cu e sistema di alarma pa e advies por bin trempan na brandweer. Aunke tin negoshinan cu tin algun cosnan chikito cu mester cambia, p.e. smoke detector, e fire extinguisher mester wordo herkeurd y tambe e exit signnan.
Ta conseha tur hende pa pone e smokedetector ariba un panel industrial, pa e haya coriente normal, ya cu si depende di bateria, por lubida di cambia bateria y ademas, esakinan ta zona den un camber so y e señal no ta yega lihe na Bomberonan, e bateria ta wordo bendi djis pa tin’e eyden. Riba un panel industrial, por ta mas sigur di dje, segun Sr. Ferdinan Ponson, di Cuerpo di Bombero.