Internacional: Un aña despues di e marcha di mas grandi contra gobierno den Cuba desde e revolucion na aña 1959 unda e pueblo a demanda cambio politico, fin na scarsedad di cuminda, medicina, gasoline e gobierno Cubano a bin ta preta nan gara riba pueblo asina mes hopi ta esnan den pueblo cu ta bisa cu e inquietud ta bay bolbe explota mirando e subida di tencionnan social.
Desde e ultimo marchanan e problema di scarsedad di cuminda, medicina y gasoline sin lubida cu e apagon ta durando cada bes mas y mas ora.
Desde e ultimo marcha di aña pasa Gobierno Cubano a anuncia cu nan tin 500 persona deteni di cual rumannan Nadir y Jorge Perdomo tur dos maestronan di scol a hiba palabra dilanti un grupo grandi unda residente nan ta bisa a keda uno pasivo. Nan mama a conta cu manera tur otro Cubano su dos yiunan a sali door di desesperacion di e situacion di Cuba e tempo ey, cada dia e pueblo tin menos y menos esey tawata loke motiva mi yiunan tawata e palabranan di e mama di e rumannan Perdomo.
Asina cu gobierno a cuminsa baha riba cientos di e manifestantenan Nadir y Jorge a graba un ultimo video unda nan bisa cu nan tawata djis expresa nan descontento, cu hopi Cubano ta sintiendo. Dias despues e dos rumannan a keda deteni, Jorge a keda sentencia pa 8 aña y su ruman Nadir a ricibi un sentencia di 6 aña cual ta keda chikito compara cu otro nan cual a haya 25 aña pa motibo di conducta desordena insulta lansa contra oficialnan publico.
Grupo di derecho nan humano ta bisa cu e gobierno Cubano ta purbando di intimida nan mesun pueblo pa stop nan di subi caya un bes mas nan a sigui na bisa cu nan ta mira cu cada biaha mas y mas fiscal Cubano ta treciendo carga nan dilanti contra cuidadanonan pa hasiendo uzo di nan derechonan basico manera libertad expresion, vociferando nan dolor, rabia contra Gobierno den un forma pacifico e ta keda un misterio pa aworaki si e casonan masal contra e personanan cu a manifesta aña pasa ta bay logra silencia e pueblo.
