HAVANA/BRASILIA – Bolsonaro a bisa cu “desgraciadamente” e isla “no a acepta” e condicionann nobo pa continuidad di e programa.
Ministerio di Salud Publico (Minsap) di Cuba a anuncia cu e lo retira di e programa ‘Mas Dokter’ cu tabata tumando luga na Brazil desde 2013. E decision, segun e portal CubaDebate, ta debi na e imposicion di condicionnan “inaceptabel” di parti di e presidente recien eligi di e pais Suramericano, Jair Bolsonaro.
Segun e comunicado, e iniciativa impulsa na su momento pa presidente Dilma Rousseff “ tabata tin e noble proposito di sigura e atencion medico na gran cantidad di e poblacion Brasilero” y tabata contempla “ e presencia di dokternan Brasilero y stranhero pa traha den zonanan pober y lehano di e pais aki”.
Durante e añanan aki, e isla a aporta cu 20 mil colaboradonan (entre dokter, verpleger y asistentenan) cu a realisa tarenan den 3600 municipio. Segun e texto, 700 di esakinan pa prome biaha a wak un dokter den nan territorio.
Despues di e comunicado, Bolsonario a bisa cu “ desgraciadamente, Cuba no a acepta” e condicionnan nobo pa e continuidad di e programa, cu ta inclui, segun su splicacion, “e aplicacion di prueba di capacidad, salario completo na profesionalnan Cubano y e libertad di trece nan famia”.
E postura di Bolsonaro
A pesar di cu e dokternan Cubano ta traha na Brasil a trabes di e Organisacion Panamericano di Salud (OPS), Bolsonario kier impone riba e colaboradonan di e isla e necesidad di cu nan revalida nan titulo y cu esaki ta e unico manera pa sigui participa den e programa di contratacion individual.
Algun dia atras, e presidente electo a declara: “Esun cu bin aki (pa traha) for di otro paisnan ta gana e un salario digno”, mientras cu e “Cubanonan ta gana 25% di nan salario. E resto ta bay pa alimenta e dictadura Cubano?”
Pa cu esaki, e Minsap a sigura cu e intencionnan di e hefe di Estado nobo ta “inaceptabel y no ta cumpli cu e garantianan acorda for di inicio di e Programa”, cu ademas a wordo ratifica na 2016 pa OPS, e Ministerio di Salud di Brasil y su homologo Cubano.
Esaki segun e organimo ta motibo pa cual nan a dicidi na retira, aclarando cu e colaboradonan “semper tabata na pia di trabao y 100% di nan salario na Cuba”. El a destaca tambe cu e “pueblo Brasilero” cu a haci e programa “Mas dokter” un conkista social, cu for di e prome momento a confia den e dokternan Cubano riba kende e responsabilidad di nos dokternan no por sigui duna e aporte solidario na e pais ey”.