HAVANA, Cuba- E vacuna cu ta hiba como nomber CIMAvax, lo wordo produci y comercialisa pa CIM. E lo wordo administra via intramuscular y ta dirigi ariba pashentnan cu tin e malesa den un estado bastante avansa.
Despues di 25 aña di estudio y testnan den e Centro di Inmunologia Molecular di Cuba, a keda demostra e siguridad y efectividad di e vacuna contra cancer di pulmon.
E nomber di e vacuna ta CIMAvax y cu a wordo desaroya pa e Centro di Inmunologia Molecular (CIM) cu ademas di produci esaki, lo comercialisa esaki tambe. CIMAvax ta un vacuna cu ta wordo administra via intramuscular y ta dirigi ariba pashentnan cu tin e malesa den un estado bastante avansa.
Meta di su aplicacion ta disminui e crecemento di celnan maligno den e organismo, dirigiendo su accion, no na e celnan canceroso pero mas ariba e sistema inmunologico di e pashent, pa esaki stroba e desaroyo di e tumor y stop’e di avansa.