Diamars anochi pazuid di e rotonde na Tanki Flip ta sosode un accidente unda chauffeur di un auto no a regula su velocidad y a dal tras di otro auto y asina otronan a sigui dal tras di otro cu a bira un total di cuatro auto envolvi.
Debi n’e impacto tabatin turista cu a keda levemente herida y roadservice presente a pidi presencia di ambulance y polis.
Patruya di trafico y polis di noord a presenta di biaha. A dirigi trafico un rato y polis a tuma dato di tur 4 chauffeur. E mitsubishi lancer y e hyundai accent tabata personanan local, pero e otro dos nissan versa dilanti tabata grupo di turista di vakantie aki bayendo direccion pa nan luga unda nan ta kedando.
Dos unidad di ambulance a presenta y paramedico a brinda asistencia y bay cu e victimanan pa hospital.
