PARIS, Francia- E explosion, probablemente debi na un fuga di gas, a costa bida di tres persona: dos bombero y un señora di nacionalidad Spaño.
Un explosion fuerte a keda registra diasabra mainta den un panaderia den e distrito 9 di Paris, capital di Francia.
Segun e ultimo cifranan duna door di ministerio publico di paris, e explosion cu probablemente a wordo ocasiona door di un explosion di gas, a causa morto di dos bombero y a herida 47 persona, di cual 10 ta grave.
Horanan despues, ministerio di Relacionnan Exterior di Spaña a confirma cu’n muhe Spaño cu tabata entre e personanan herida door di e explosion, a fayece. Entre e heridonan tin tambe un homber di nacionalidad Spaño, pero su condicion no ta grave.
Bomberonan ta desplega den e luga di e sucedido, mientras cu polis ta pidi ciudadanonan pa evita e zona.
Polis a informa cu rond di 9 or y 24 di mainta, a pidi pa unidadnan di bombero pa un “candela den un tienda sigui pa un explosion fuerte”. Autoridadnan a pidi laga e area liber pa asina trucknan di rescate por pasa.