MUNICH, Alemania – Por lo menos cuater persona a resulta herida diamars di gravedad, den un tiroteo den un stacion di trein di Munich, entre nan un agente, cu ta den estado critico y un sospechoso, kende a wordo deteni, segun polis di e capital Bavaro a informa.
Segun e prome datonan facilita pa polis, e tiroteo a tuma luga den e marco di un operacion policial rutinario, ora cu e agentenan a acudi pa intermedia den un pelea.
Forsanan di siguridad a confirma cu e situacion ta bao di control y cu no tin indicio cu ta apunta mas persona implica den e incidente.
Segun un vocero a informa di e forsanan di siguridad den un breve comparecencia dilanti prensa den e luga di e hechoan – e stacion di trein den cercania di Unterföhring -, polis a ricibi e aviso cu un trein lo a tuma luga un pelea entre biaheronan, di acuerdo cu e agencia EFE.
Ora cu a yega na e luga, e agentenan a haya esnan envolvi den e pelea den un wagon y un di nan a purba di pusha un agente riba e vianan di trein.
E agresor a logra kita e arma reglamentario for di un di e polisnan, momento cu e tiroteo a tuma luga: un agente a resulta herida na cabez y ta den un estado critico y e autor di e pelea tambe a wordo alcansa pa un dispari y ta grave, segun EFE a informa.
Otro dos persona a resulta herida y polis ta calcula cu tras di un prome evaluacion di e hechonan, cu e autor di e disparonan a wordo deteni.
Fuente: www.ntn24.com