WASHINGTON, D.C., Merca- Al menos cuater persona a resulta herida y un homber a keda deteni despues di un tiramento den un sinagoga na Poway, cerca di San Diego, California. Esaki a tuma luga diasabra.
E cuater heridonan a wordo traslada pa e centro hospitalario di Palomar, cerca di e luga di incidente. Pero sin cu tin informacion concreto di nan situacion of e gravedad di e situacion.
“Un homber a keda deteni pa interogacion relaciona cu e tiramento cu a tula luga den e sinagoga na Poway”, e oficina di e comisario di e localidad a informa ariab Twitter.
Poway ta un localidad chikito di 50 mil habitante na 30 kmn nort di San Diego.
Aña pasa un homber a drenta den un sinagoga na Pittsburg, Pennsylvania y a cuminsa tira riba e asistentenan. Den e hecho aki 11 persona a muri. E tabata ta tambe e atake mas grandi contra di e comunidad Hudiu den historia contemporaneo di Merca.