OSS, Hulanda- Den un accidente entre un triciclo electrico y un trein na Oss, cuater mucha ta perde nan bida. Tambe un adulto y un otro mucha a resulta gravemente herida, segun polis. E muchanan ta den edad di scol basico.
Den e triciclo electrico tabata tin muchanan di un crèche, polis a informa. Nan tabata na caminda pa un scol na Oss. E heridonan ta interna den estado critic.
Varios mucha tabata testigo di e accidente. Pa esaki a pidi asistencia di slachtofferhulp.
Brake a faya
E accidente a sosode den careda di 8 or y 30 riba un un crusada di trein na Braakstraat, cerca di station Oss West. Kico a bay robes, no ta mucho cla. Autoridadnan di Siguridad ta nan e sitio pa asina haci un investigacion.
Un testigo di e accidente a bisa di cu e triciclo electric no a brake ora cu el a subi e cruce di trein. Segun e testigo, e chauffeur di e triciclo a grita di cu e no por para. Un rato despues, e trein ta bin dal den dje.
Al parecer, e triciclo lo ta di e marca Stint. Fundador di e compania ta na e sitio di e accidente. No por confirma ainda si enberdad, ta trata di un vehiculo di su compania.
Gemeente Oss a lanta un shelter pa tur esunnan directamente envolvi den e accidente.
Alcalde di Oss ta manda palabranan di convivencia pa tur e famianan di esunnan cu a perde nan bida den e accidente aki.
Tres di e muchanan ta di e mesun famia.