LUZIANIA, Brazil – Por lo menos cuater persona a fayece durante un rebelion registra dialuna den un centro penitenciario di Luzianna, ciudad di e estado Brazilero di Goias, cerca di Brasilia, segun fuentenan oficial a informa.
E rebelion a cuminsa pa 1’or di marduga ora local di dialuna, ora cu e bewaker di prizon a frustra un huymento den e Centro di e Prizon Provisional di Luziania (CPP) y a extende te cu 10’or di mainta, ora local, ora cu e rebeldenan a rindi.
Por lo menos tres preso a perde nan bida y a wordo acusa di a papia riba e intento di huymento di varios prizonero.
E recluso cu a wordo señala como e principal responsabel pa pasa e bewaker e informacionnan riba e fuga, a wordo decapita y su asesinonan a ranca su higra afo y a kima su curpa, segun e agencia di noticia Efe.
E di cuatro morto tabata un bewaker di e prizon cu a ricibi varios tiro na un pia durante e rebelion y a muri ora cu el a wordo atendi den un centro medico.
E sistema penitenciario na Brazil ta enfrenta problemanan grave di alohamento y salubridad, di cual e rebelion y matansanan entre bandanan rival a converti den un situacion habitual den e pais.
Pa loke ta bay pa e aña, a registra por lo menos 150 morto di prezo durante rebelion y decenas di fuga y varios denuncia di tortura y mal condicion den e centronan penitenciario.
Fuente: www.ntn24.com