SAN FRANCISCO, California – Polis si San Francisco a ofrece un rueda di prensa riba e tiroteo cu a tuma luga na e oficina di post di UPS y a confirma cu tabata tin cuater morto, entre nan e atacante, kende a tira su mes.
“Nos no ta kere cu esaki tin di haber cu terorismo,” e oficial a señala den su conferencia di prensa y a agrega cu al lo traha mas den e siguridad di e luga.
Ademas, el a splica cu ‘e atacante tabata tin un uniform di UPS’. Sin embargo, no a keda estableci si tin mas persona di e empresa envolvi.
Polis di San Francisco a responde na un tiroteo diaranson den un centro di distribucion di UPS.
Por medio di nan cuenta di Twitter, polis a informa riba e tiroteo den e caya 17 y Vermont.
E empresa United Parcel Service (UPS) a confirma den un comunicado cu e sospechoso tabata un trahado di e empresa, EFE a splica.
E victimanan a wordo traslada pa Zuckerberg San Francisco General Hospital, Brent Andres, vocero di e centro, a indica. Andrew no a specifica cuanto herido a wordo hiba pa e hospital, ni a informa den ki condicion nan tabata.
E empleadonan di e sede di UPS a wordo evacua di forma sigur.
Fuente: www.ntn24.com