BRASILIA, Brazil- Al menos cuater adolescente di entre 14 y 16 aña di edad dialuna a wordo acusa di a participa den un serie di violacion colectivo di un menor di 13 aña. E hechonan aki a ocurri den un scol publico den e estado Brazilero di Rio di Janiero, segun fuentenan oficial.
E comisario responsabel pa e investigacion ta calcula cu al menos 14 alumno a participa den tres diferente episodio di e violacion colectiva cu a tuma luga entre Mei y Juni di e aña aki, tanto den e gymzaal como den un klas. Segun autoridadnan, e guy di e adolescente lo a convence e menor pa bay na dicho scol unda cu e demas acusadonan tabata warda ariba dje. Ainda e acusado aki ta profugo di husticia.
Director di e scol caminda esaki a pasa a wordo separa temporalmente for di su cargo y someti na investigacion penal y adminsitrativo debi cu e lo tabata na altura di algun di e incidentennan y no a informa polis di esaki.
Si e acusadonan wordo haya culpabel di violacion colectivo, cada un di nan lo por wordo condena na tres aña di reclusion den un reformatorio.
E caso ta suma su mes na otro casonan di violacion colectivo cu a causa indignacion na Rio de Janiero den e ultimo lunanan.
Na Mei ultimo, husticia a ordena e aresto di cinco otro adolescente acusa di a participa den un violacion colectivo di un mucha di 12 aña na Rio de Janeiro y di a pone imagennan di esaki ariba rednan social. Casonan asina ta tuma luga mas tanto den e favela Baixada Fluminense, un region di indicenan halto di pobresa y violencia.
Fuente: http://www.elnuevodiario.com.ni