Cuater di e 12 muchanan pega den un cueba na Tailandia ya caba a wordo rescata. “Dos di e mcuhachana ta afo”, Tossathep Boonthong, hefe di e departamento de Salud di Chiang Rai y miembro di e ekipo di rescate a informa na Reuters.
Narongsak Ossottanakorn, gobernador di Chiang Rai, a confirma cu e prome di e prome cuater muchanan rescata a wordo traslada pa un hospital provincial, na casi 80 km di distancia. Esaki despues di a pasa examenan fisico den un hospital provicional cerca di e cueba.”Cuater mucha ta sano y salvo den man di e dokternan di e hospital Prachanukroh”. Cada mucha tabata wordo compaña pa dos buzo, pa cualkier eventualidad.
Algun medio a informa di cu dos otro mucha lo a wordo rescata, pero e gobernador a confirma solamente e rescate di solamente cuater menor sin revela nan identidad. Un dokter Australiano a bisa pa saca e muchanan cu tabata mas zwak prome. Ossottanakorn a sigura den un rueda di prensa cu e operacion a bay miho di loke nan a pensa.
E siguiente fase di e operativo lo cuminsa den 10 pa 20 hora, e gobernador a agrega. E hefe di e operativo a splica cu e trahadonan di rescate mester preparanan mes pa e siguiente etapa, ya cu “no tin mas oxigeno”.
“Nos tin un ekipo di rescate di 13 buzo cu cinco buzo adicional di e Marina Tailandes. Den e operativo ta participa 90 persona, di cual 50 ta buzonan stranhero y 50 Tailandes”, Osotthanakorn a splica. El a agrega cu e “muchanan tabata tin mascaranan facil completo bisti”, pa nan por duik durante e rescate.
Pasa door di e sistema di cueba pa yega te na e luga unda e muchanan y nan coach ta, a tuma e rescatistanan mas di cinco hora. E peliger di e operacion aki tabata evidente diabierna cu e fayecimento di un di e buzonan cu a participa den e tareanan di asistencia.
E restante 8 muchanan hunto cu nan coach lo keda den e cueba te cu dialuna.
E muchanan di entre 11 y 16 aña y nan coach a disparce dia 23 di juni, despues di cu a dicidi di explora e cueba Tham Luang, den e parti noord di e pais. Una bes nan tabata den e cueba, e torencial awasero a cuminsa yena e cueba y a obliga e grupo na busca refugio mas paden. Sin alimento solido, nan mester a bebe awa cu tabata sali for di e murayanan te dia cu nan a wordo haya dia 2 di juli.
Gobernador di Chiang Rai a adverti di cu e tempo ta limita pa saca e muchanan, debi cu pronto awa lo cuminsa yobe, Un otro preocupacion ta e caida di e nivel di oxigeno den e cueba.
Fuente: Daily Mail.