Gasnan estomacal ta un fenomeno digestivo hopi comun. Sin embargo, un exceso di gasnan por ta extremadamente incomodo y doloroso. E ta wordo causa door di ingeri awa of cierto alimentonan. Un intolerancia pa cierto cumindanan of remediann por conduci tambe na e fenomeno aki. Pa elimina e gasnan estomacal aki y reduci e molestia ta existi algun mata cu ta faborece e expulsion aki.

Mayoria di gas ta sali ora di respo. Sin embargo, esaki ta no ta un problema di salud pa cual mester bishita un specialista. Hecho ta, cu haciendo algun cambio den bo estilo di bida, asocia cu e introduccion di ingredientenan natural den bo dieet, ta yudabo controla e sintomananan aki.

Pa alivia e molester aki, ta existi remedinan casero cu ingredientenan natural cu por ta hopi util ora cu ta sufri di gas estomacal. Por ehempel, hopi yerba carminativo manera jenever, canela, venkel, basil of comino por yuda den expulsion di e gasnan aki.

Siguientemente nos ta presenta cuater bebida casero cu por yuda alivia e incomodidad cu bo ta sinti ora cu tin un acumulacion excesivo di gas den bo stoma.

1. Juice di Ginger
Ginger ta un di e remedinan mas efectivo pa elimina gasnan estomacal como un relajante intestinal. Danki na su ingredientenan carminativo, jenever ta un tratamento efectivo cu ta permiti na relaja e musculonan gastrointestinal, evitando e formacion di gasnan excesivo, respo of hinchamento di stoma.

E ta un remedi esencial cu ta faborece e digestion y ta alivia e dolornan abdominal. Bebe un bebida di jenever 30 minuut prome cu como por yudabo trata cu e incomodidad di bo stoma.

Sin embargo, ta importante pa tene na cuenta ginger no ta recomendabel pa personanan cu diabetis, ni pa esunnan cu ta sufri di malesnan di sanger, ya cu e ta stroba e efecto di remedi.

Ingredientenan:
• slicenan fini di ginger
• 250 ml di awa
• honing
• 1 theelepel di juice di lamunchi.

Preparacion
• Pone un cuchara di ginger den un copi di awa cayente.
• Tapa e copi y lag’e trek pa mas o menos 10 minuut
• Filter e, pone un poco di honing y juice di lamunchi. Bebe dos pa tres bes pa dia prome cu e cuminda principal

2.-Bebida prepara di canela
Ademas di su uzo habitual den pasteleria, canela ta wordo uza desde antigüedad pa varios di su beneficionan pa salud. E especia aki ta posee virtudnan contra di convulsionnan capaz di alivia e dolornan di stoma y di tripa.
Ciertamente, canela ta un remedi casero excelente pa salud digestivo, e ta funciona manera un antiacido natural y ta yuda saca gasnan for di den bo stoma..
Ingrediente:
• 1 theelepel di canela den polvo
• 250 ml di awa
• Honing
Preparacion
• Herbe e awa y basha honing den dje
• Agrega canela, mescl’e bon y lag’e trek pa 5 minuut
• Bebe cu’n slice di lamunchi

3.-Bebida di black pepper
Pa elimina gasnan estomacal, black pepper ta yuda den e proceso di digestion. E ta stimula produccion di saliva, juice gastrico y acido clorido, cu ta promove un bon digestion.
Ademas, e ta un especia carminativo cu ta yuda elimina gasnan y ta stroba e formacion di gasnan adicional den stoma y tripanan. E ta yuda tambe pa preveni bacterianan cu ta responsabel pa e formacion di gas.
Ingredientenan
• 20 simia di black pepper mula
• 250 ml di awa
• honing
Preparacion
• Herbe e awa y tira e simianan di e black pepper mula
• Despues, mescla y agrega un cuchara di honing
• Por agrega tambe blachi seco di menta of simia di cilantro, ya cu e tin efectonan beneficioso riba e sistema digestivo.

5.-Juice di comino
Ademas di su sabor, comino ta conoci tambe pa calma problemanan digestivo y specialmente malestar estomacal. Den medicina tradicional, comino ta wordo uza pa su cualidadnan carminitativo, anti convulsivo y anti inflamatorio.
Su consumo ta particularmente recomendabel den casonan di indigestion of dolornan abdominal.
Ingrediente
• 1 pa 2 cuchara di comino
• 250 ml di awa

Preparacion
• Placha e comino te ora cu e azeta esencial sali
• Despues basha esaki den un copi
• Herbe e awa y tira e comino placha den e awa
• Lag’e trek pa 10 minuut pa e haya e dosis efectivo di substancianan activo

Pa finalisa, corda cu aunke e bebidanan aki pa elimina gasnan estomacal ta bastante efectivo, ta importante pa incorpora tambe algun cambio den e estilo di bida diario cu bo ta hibando pa evita e dolornan aki.
E cambionan aki ta implica principalmente un actividad fisico y un alimentacion sano. Ademas, e maneho di stress tambe ta beneficioso, no solamente pa evita e gasnan estomacal, sino tambe pa contribui na e bienestar general.

Comments

comments