ABUJA, Nigeria- Al menos 18 persona a muri diahuebs y 29 a resulta herida den un atake suicida cuadruple cu a tuma luga na Borno, situa na noordoost di Nigeria. E grupo yihadista Boko Haram a reclama e responsabilidad di e atake aki, según fuentenan policial a informa.
E atentado a wordo cometi den un comunidad di Muna Gari na Kondug, caminda dos homber y dos muhe a infiltra cu explosivonan pega na nan curpa.
E atake a laga 14 victima mortal, ademas di 4 terorista, mientras cu esunnan herida a wordo traslada pa un hospital di Maiduguri.
E atakenan suicida a aumenta den e ultimo lunanan den e zona noordoost di Nigeria, aunke cu e teroristanan a sufri varios atake door di e efectividad di e forsanan di siguridad, specialmente desde 2015, ora cu presidente Muhammadu Buhari a asumi poder.
E mandatario tabata tin exito den su strategia contra di Boko Haram y a logra expulsa e yihadistanan di teritorioann grandi, cu tabata ocupa.
Boko Haram, cu kiermen ‘educacion no Islamico ta un pica’ ta luchando pa impone un Estado Islamico na Nigeria, pais di mayoria musulman den Norte y predominantemente Cristian den sur.
Fuente: http://www.abc.es