MARACAIBO, Venezuela – Un grupo nobo di alto funcionario di Pdvsa, en total cuater, a wordo deteni e mainta di diasabra, dia 30 di September, pa funcionarionan di e Direccion General di Contra Inteligencia Militar (Digecim) na e sede di Toren Boscan, ubica den e centro di Maracaibo, segun panorama.com.ve.
E cuater ehecutivonan ta pertenece na e Coordinacion Operacional di e estatal petrolero.
E accion practica pa Digecim tin di haber cu e investigacion ordena pa e Gobierno nacional pa desarticula un red di corupcion cu tabata tin su epicentro den e filial Petrozamora.
Pa e caso aki nueve empleado di alto rango di Pdvsa a keda aresta, entre nan e gerente di e region occidental.
Mester corda cu dialuna dia 4 di September, Gustavo Malave, director ehecutivo di Exploracion y Produccion di Occidente di Pdvsa, a wordo captura pa e comision di contra inteligencia militar, hunto cu Juan Carillo, sub director adhunto Explotacion y Produccion; Juan Barreto, gerente di Coordinacion Operacional; Hector, Roque, gerente di Operacionnan di Planta; Cesar Valera, gerente di Oportunidadnan di Negoshi; Juan Romero, presidente Petrozamora; Adolfo Torres, gerente DSI Occidente; Jose Marin, gerente di DSI Petrozamora y Henry Sanchez, gerente di DSI COL.
E alto funcionarionan di Pdvsa a wordo deteni pa e presunto desvio multimiyonario di crudo atrabes di un compleho schema di uzo di emulsionante y awa, cu e organismonan di inteligencia tabata bint a investigando den e Division di Produccion Occidente di Petroleos de Venezuela (Pdvsa).
E extenso y constante trabao di e Direccion Generla di Contrainteligencia Militar a desaroya por lo menos dos aña, a permiti pa dala den un red di corrupción completo y caminda importante directivo y gerentenan vincula den areanan di explotacion y produccion di e occidente di Venezuela lo tabata envolvi.
Fuente: www.lapatilla.com