Diasabra anochi habitantenan di Brazil a constata cu tin un cas na candela y e vlamnan tabata grandi y a bati alarma di biaha. Polisnan di San Nicolas a dirigi di biaha y pa yega mester a tuma algun caminda di mondi pa yega na unda tur e apartament tabata ta.
Tras di e apartament tabatin e cuarto di palo, ta un cas cu adictonan ta usa y algun dia atras a tene entrada hudicial relaciona cu droga. Mientras e habitantenan cu tabata cerca a keda evacua pa polis y te hasta un cacho cu tabata cerca a keda scapa di e candela grandi aki. Polis a mantene e habitantenan leu pa evita di algo otro pasa. Maske e caminda tabata leu y dificil pa bomberonan drenta e dos trucknan tog a logra di yega pa asina combati e candela rapidamente.
