Diamars atardi un cuarto di palo tabata na candela patras di un cas na Jan Fleming di leu por a mira huma, polis y brandweer a keda dirigi di biaha. Polis cu a presenta prome a constata cu di berdad e cuarto ta na candela y tabata unda cu ta cria gai y galiña.
E candela grandi a destrui esaki completamente. Maske habitantenan mes cu slang den man tabata purba e candela, mientras cu trucknan di brandweer tabata na caminda. E candela a cana basta lihe kima e cuarto aki completamente y mata tur e gai y galiñanan.