Un yobida fuerte tabata causa di problemanan grandi cu awa cu ta keda para, vooral na e rotonde di Cumana y esaki atrobe ta blanco di critica di parti di poblacion. Ing. Marlon Croes, director di DOW ta splica.
A tuma nota di e preocupacion di comunidad relaciona cu e problematica aki. Minister di Infrastructura y DOW a reuni cu e compania encarga, unda cu mester busca un solucion pa e problema di rotonde na Cumana. Den e caso aki, a bin cu solucion cu a pone cuater perculation boxes pa alivia e awa pero e perculation boxes no por handle ora cu awa ta cay na un intensidad halto. E trabaonan na e rotonde mester caba pa asina soluciona e problema di awa akinan. Lo reuni cu Motta Engil pa busca un solucion pa e problema aki den un periodo cortico.
Si no haci esaki, e problema di awa lo keda persisti. A reuni tambe pa e comision cu ta handle PPT proyectonan, y a manda un carta basta rabia pa Motta Engil pa nan busca un solucion pa e problematica aki.
E proyecto aki no ta cla ainda, y awa cu ta keda para por daña e asfalt nobo basha eynan, pa cual Sr. Croes a splica cu e proyecto ta encera diferente cos. Mester ta consciente cu e asfalt buta eynan, mester bin dos of tres capa mas. Bisando esey, e proyecto aki ta den BFM contracto, unda cu tur e risico di diseño, construccion, financiamento y mantencion a wordo traspasa pa e contratista. A base di e contract nan aki ta schrijfnan aan pa nan por corigi tur e cosnan aki y naturalmente esaki no tin gasto niun consecuencia financiero pa Pais Aruba. E camindanan malo aki por causa daño na autonan, y segun Sr. Croes, na momento cu por proba cu un auto sufri daño door di e Motta Engil, nan lo carga cu tur e gastonan di esaki.
Pa loke ta trata Watty Vos Boulevard, DOW tin informacion cu e mesun cantidad di empleado ta trahando desde comienso, cu a aumenta te cu 120 hende y esey ta trahando te ainda. Basicamente, den bista di DOW nan ta cumpliendo cu e trabao. Motta Engil a informa cu nan ta manteniendo nan mes na e tempo di trabao palabra.
DOW ta evaluando y controla y midi pa wordo entrega of habri pa e trafico por sigui, asina no ta molestia e fluho di trafico ariba nos careternan, segun Sr. ing. Marlon Croes, di DOW.