Manera tur aña Koningin Wilhelminafonds (KWF) ta tene su colecta, normalmente den luna di april y mei. Pero e biaha aki e lo ta diferente. Lelicia Tromp, vocero di KWF, a splica den un conferencia di prensa diaranson, cu e biaha aki nan a dicidi di organisa e colecta riba dos fecha specifico, cual tabata dia 4 di mei y diasabra awo, dia 25 di mei.
Detaye di e evento
E colecta lo cuminsa pa 9’or di mainta y lo sigui te cu merdia, tumando luga na diferente localidad rond di e isla. E boluntarionan, cu por identifica pa nan schort cora y nan collectebus di KWF, lo ta riba caya, invitando un y tur pa participa.
Participacion special y manera pa haci donacion
E aña aki, fuera di e colectanan tradicional, e personanan cu ta desea pa colabora, por haci esaki a atraves di e cuentanan di banco di KWF, disponibel riba nan pagina di Facebook, como tambe por haci esaki uzando Pay.aw. Tur informacion necesario ta disponibel riba nan website y riba e rednan social di KWF.
Proposito di e colecta
E obhetivo di e colecta anual aki ta pa recauda fondo pa sigui cu e trabao di KWF, cu ta inclui informa y educa e comunidad riba cancer y con pa hiba un bida mas saludabel pa preveni esaki. Fuera di esey, KWF ta brinda sosten n’e pashentnan di cancer y nan famia, proporcionando for di protesis te cu transporte pa tratamento di oncologia, entre otro servicio.
Participacion di e comunidad di biker
Joselyn Koolman tambe tabat’ey presente durante e conferencia di prensa aki, unda cu el a exprsa cu orguyo y gratitud su sosten, invitando su coleganan biker pa participa. E gruponan di biker lo reuni diasabra mainta na Joe Laveist Ballpark y compaña pa polis y VMU, nan lo bay na nan respectivo puntonan di colecta.
Schedule di e bikernan
E caravana di biker, cu ta inclui grupo manera Grupo 7, MCM, Easy Riders Aruba, OLD Skool, Sero Biento Boys, Camacuri, Gonz Riders, HOG y Spike Rebels, lo bay n’e diferente rotondenan riba e isla pa participa n’e colecta. Pa 11’or y mey di mainta, polis y VMU lo pasa busca e bikernan p’asina bin hunto n’e parkeerplaats di KWF na Playa.
E puntonan specifico caminda cu nan lo ta ubica ta:
Rotonde di FTA (San Nicolas) cu Gonz Riders y HOG.
Rotonde di Post Chikito cu Grupo 7.
Rotonde di Santa Cruz cu MCM.
Rotonde di Bright Bakery cu Sero Biento Boys.
Imelda Kleuterschool cu Camacuri.
Renaissance cu OLD Skool.
Rotonde di Santa Helena cu Spike Riders.
Rotonde di Tanki Flip cu Easy Riders Aruba.
Boluntario y Organisacion
A lo largo di e ruta, lo bay tin grupo di boluntario encarga pa distribui awa y mantene e bikernan organisa. Ta invita tur cu ta interesa, join boso club di biker preferi y pasa na un di e rotondenan caminda nan lo ta recolectando.
Conclusion
Danki n’e colaboracion di e gruponan aki y e boluntarionan di KWF ta spera pa tin un colecta exitoso y sigui cu nan valioso trabao den comunidad.
