Awe mainta, manera ta custumber di ur aña gobierno a traspasa mando di e pais Aruba p’e monarcanan di Carnaval, marcando e aña aki Carnaval number 70 dedica na Stichting Arubaanse Carnaval (SAC).
Mainta tur reina, e prins y e panchonan a presenta na cas di gobernacion, caminda cu nan cada un a lesa nan decreto y caminda cu e mandatarionan a entrega e ‘yabi’ di e pais pa nan dirigi Aruba su Carnaval.
Despues di e traspaso nan a tene un recorido pa despues prepara pa habri parada di mucha na Playa cu a cuminsa pa 2’or di merdia.
Esaki ta e comienso di sigur dos siman di actividad Carnavalesco cu lo caba cu parada grandi dia 11 di februari proximo.