Cu lagrima na wowo, dama ta suplica Minister di Husticia y pueblo di Aruba pa yud’e bay Venezuela bek cu su yiunan

Sra. Jacqueline Peñaz, un dama nacionalidad Venezolano, a acudi na prensa cu un peticion na pueblo di Aruba y minister di Husticia den kico cu nan por pa yuda paga dos pasashi di su yiunan [edadnan 14 aña y 8 aña] pa por bay bek nan pais cu vuelo humanitario. E dama no ta compronde pa kico nan ta yama esaki vuelo humanitario pa nan bay bek nan pais si nan tin cu paga $350 dollar pa esaki.

E dama a bini Aruba pa bishita y pa motibo di e pandemia e mester a keda, cu hopi falta di recurso, e la haya su mes pa keda na Aruba obliga pega riba e isla durante e crisis. Nan no tin awa unda nan ta kedando, un djis nan ta keda sin coriente, y na unda nan ta kedando caba nan ta wordo bisa cu nan mester bandona e propiedad.

#Local Dama mester 700$ pa paga pasashi pa bay bek su pais cu su yiunan

Posted by MasNoticia.com on Tuesday, October 13, 2020

Amistadnan a logra yuda e dama yega na su mesun pasashi pa e bay bek awor solamente falta pa su dos yiunan tambe. “Mi ta dispuesto pa traha, haci chapi, limpiesa, pa mi yega na e pasashinan pa mi yiunan pero esun cu por yuda mi cu e pasashinan mi lo ta agradecido di curason pa esey”, sra. Peñaz a declara na prensa cu lagrima na wowo. E vuelo pa bay Venezuela ta bay ultimo di di October, dus nan tin un par di siman pa colecta un suma total di $700 dollar cual ta cubri ambos pasashi di su dos yiunan. E dama a haci peticion na DIMAS Online, nan a pidi documento di su yiunan, nan a yama e dama dos biaha puntrando e si e kier bay, e dama ta subraya cu si e kier bay su pais, pensando cu ta referi na vuelo humanitario cu ta hiba nan bek Venezuela.

E señora ta hopi preocupa pasobra, el a bay Warda Costa y nan no por a accepta nana asina, y nan a tuma su number di telefon anto nan a bis’e cu DIMAS lo yam’e bek. Ainda nan ta sin respuesta di DIMAS y e no kier pa e dia yega cu nan tin cu bandona e propiedad unda nan ta pa asina e lo mester keda riba caya cu su dos yiunan.

Comments

comments