CIENCIA
Inteligencia artificial a sali di confin di nos sistema solar. E telescop espacial Kepler a haya dos exoplaneta a traves di aprendizahe automatico di Google, segun NASA a anuncia diahuebs.
Investigadonan a siña e sistema e identifica e planetanan cu ta draai rond di e streanan lehano. E modelo, cu a wordo entrena cu mas di 15 mil señal etiketa di Kepler, e ta capaz di distingui e patronnan causa pa planetanan real di esunnan provoca como manchanan estelar y streanan binario.
Ora di prueba su eficacia, e sistema a identifica 96% di e biahanan cu e señalnan tabata coresponde na planetanan y den cual no. Den e anuncio aki di e descubrimento, Christopher Shaullue, ingeniero senior di software den inteligencia artificial ta un mecanismo pa siña e computernan pa reconoce nan. Te na e momento aki, e sistema a check solamente 670 strea di e 200 milnan conoci.
Por lo tanto, ainda por tin un gran cantidad di exoplaneta pa descubri den e datonan di Kepler y e inteligencia artificial lo por yuda e descubrimetno den e cosmo den e proximo añanan. “E hayazgo ta mustra cu nos datonan lo ta un tesoro disponibel pa e investigadonan innovador den e proximo aña”, e director di e division di astrofisico di NASA na Washington, Paul Hertz.
E investigador di Instituto di Ciencia di Espacio di e Conseho Superior di Investigacion Cientifico (IEEC-CSIC), Ignasi Ribas, a señala cu loke ta novedoso di e hayasgo aki ta cu “nan a uza tecnicanan diferente, ya cu e descubrimento di e planeta ta pasa hopi biaha”. Pero e ta afirma cu inteligencia artificial ta wordo uza tambe den otro misionnan espacial manera Gaia.
Kepler ta descubri exoplaneta ora cu e ripara e briyonan chikito cu ta nan ta causa ora cu nan crusa e cara di nan strea anfitrion desde e perspectiva di e nave espacial. NASA a lansa e telescopio na 2009 cu e obhetivo di descubri mundonan fuera di e sistema solar cu ta orbita rond di otro streanan. For di e tempo ey, e telescop espacial a haya mas di 2 mil exoplaneta confirma, mas o menos 70% di tur esunnan conoci. E descubrimento mas grandi te cu awo, 1284 planeta, a wordo anuncia na 2016 pa NASA.
Fuente: https://elpais.com/