Den Stadion Frans Figaroa na Noord a tuma luga diadomingo 8 di april e wega entre Real Koyari cu ta na di tres luga riba e tabla di posicion contra di Sportboys cu ta den sotano na di ultimo luga Division 1 grupo A.
E ekipo di Sportboys a hunga cu un total di 8 hungador, tempran di cuminsamento di wega pa ser exacto na di 2′ di wega Juan Reategui #17 riba su camiseta ta score pa Real Koyari bay ariba 1-0.
Na di 4′ di wega Sergio Reategui #10 riba su camiseta ta logra score pa Real Koyari bai ariba 2-0.
Despues ta Jean Marcelo Dirksz cu #22 ta logra amplia e bentaha na 3-0 na di 17′.
Nathan Alton Borke #80 ta logra score na di 41′ pa asina tuma un bentaha di 4-0.
Cu Real Koyari ariba comodamente 4-0 ta finalisa e prome tempo.
Jean Marcelo Dirksz #22 ta bolbe score pa asina pone su ekipo Real Koyari ariba 5-0.
Na di 65′ di wega ta e mes un Juan Reategui ta bolbe deposita e bala den net pa asina Real Koyari bai ariba 6-0.
Den un hugada poco bruto net pafo di e area peligroso Real Koyari ta haya un tiro directo y aki nan ta Juan Reategui ta deposita e bala fuera di alcance di e keeper di Sportboys pa asina manda su ekipo ariba cu e score di 7-0.
Na di 75′ di wega refree Ridderstaat ta dicidi di termina e wega y asina Real Koyari ta golia e ekipo di Sportboys 7-0.