E ta wak bo ora bo ta drumi y sa precies ora bo ta lanta, pero den e dianan aki, nos tambe por vigile. Santa Claus a cuminza su viahe di Nochebuena entregando regalo rond mundo y djis aki e lo ta na bo cas tambe, segun e comando militar di Merca, encarga di protege e espacio aereo di Norte America. E radarnan di NORAD a detecta e slee di Santa Claus saliendo for di Polo Norte djis despues di 4’or di madruga di Diamars bispo di Pasco, poco despues cu el a revisa su plan di vuelo cu su shete renonan. Su prome parada tabata na Rusia y Asia, djis na tempo pa Pasco. Tur hende por sigui e viahe di Santa Claus riba e site Santa Tracker oficial di NORAD. “Su viahe magico alrededor di mundo a cuminza”, asina e organizacion cu a bin ta sigui Santa pa mas di 60 aña a declara. E grupo ta usa sensornan inflared pa sigui e nanishi cora di Rudolph y asina nan por determina e ubicacion di e slee. “Nos ta orguyoso di sigui cu e tradicion di sigui Santa mientras e ta viaha rond mundo”, Terrence O’Shaughnessy, comandande di NORAD, a declara. E mision anual di e agencia a cuminza debi na un fout tipografico mas di mey siglo pasa. Bispo di Pasco di 1955, un sucursal di Sears na Colorado Springs a publica un propaganda di Santa Claus. Cu excepcion cu e number tabata un fout di imprenta, caminda a publica e number di e centro di Comando di Defensa Aereo Continental. Esaki a haci cu henter anochi e coronel Harry Shoup a ricibi yamada di telefon di muchanan cu kier a papia cu Santa Claus. Enbez di bisanan cu nan a yama number fout, Shoup a bisa nan cu e no ta Santa Claus pero e por busca Santa Claus riba radar. Shoup y su ekipo a pasa henter anochi atendiendo yamadanan dunando detaye di e ubicacion di Santa mientras cu Santa y su renonan tabata bula den shelo pa entrega regalonan na tur mucha. Awendia e tradicion aki ta posibel ainda danki na un ekipo di voluntarionan. Click riba e link aki’bao pa wak e radar di Santa Claus.
SIGUE EN VIVO el viaje de Santa Claus aquí.