Cu ayudo di SSA: Deporte di Ahedres lo continua cu su lesnan gratis den Bario

Aña pasa e federacion di Ahedres, a inicia cu un tremendo projecto yama ‘Ahedres ta bai den Bario’ unda muchanan interesa lo haya les di ahedres totalmente gratis. Muchanan den e edad di 6 – 12 aña cu ta bini di Traimerdia y Nos Atardi como tambe esnan cu a inscirbi na Centro di Bario Lago Heights, Noord, Playa Pabao, Centro Deportivo Betico Croes y Biblioteca Nacional lo bini na remarke pa haya les di Ahedres. Mester bisa cu e prome parti a bai super bon unda mas cu 200 mucha a sera conoci cu e deporte di Ahedres, cual ta un cantidad record. Dialuna 14 di Januari a inicia otro grupo y esaki lo tin un duracion te cu den luna di April. E biaha aki lo reparti e muchanan den grupo di 6 – 8 aña y 9 – 12 aña pa hisa e efectividad di e lesnan. E lesnan lo ta bou encargo di maestro internacional Lazaro Bueno Perez di Cuba. E deporte di Ahedres ta uno conoci pa en grandese y stimula e habilidad intelectual di e mucha. Stichting Sportsubsidie Aruba ta contento di por aporta y brinda e ayudo necesario na e federacion di ahedres cu nan tremendo actividad “Ahedres den Bario”. Stichting Sportsubsidie Aruba lo sigui sostene e bunita projecto aki. Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Comments

comments