Na principio di aña 2022 ariba 8 di februari guerreronan cu tabata den Estado Apure, frontera cu Colombia a wordo bombardia for di shelo. Pa nan sorpresa nan a wordo ataca dor di Fuerzas Armadas di Venezuela. Segun a wordo publica algun dia despues den e corant “El Colomiano” e atake a wordo haci cu drone nan arma.
Segun Adrei Serbin Pont, kende ta director di Coordinacion di Region di Investigacion nan Economico y Social ta bisa cu asina aki Venezuela a bira e di dos pais, despues di Merca cu ta ataca cu arma real pa medio di e facilidad moderno di drone.
Na e otro banda e autoridadnan Venezolano nunca a confirma cu nan a usa drones pa ataca cu arma, pero luna nan despues durante un desfile militar a word comproba cu esaki tabata e caso. E Gobierno di Nicolas Maduro, durante un desfile militar a confirma e sospecho nan dor di exhibi e drone nan Venezolano cu capacidad pa ataca.