Hopi hende ainda no a busca nan zorgpas. A puntra vocero di AZV, Solange Tchong kico ta bay haci. El a splica cu AZV pa hopi aña a cuminsa traha cu Censo. Nan tin un colaboracion cu otro pa asina por haci un bon control riba e cantidad di hende cu ta inscribi na AZV. Loke ta importante ta pa wak kico ley ta defini. Ley ta defini cu pa aplica pa AZV, mester ta inscribi na Censo y mester tin residencia principal na Aruba.
Esey ta haci cu AZV eigenlijk tin cu basa su mes riba e data, tur e inscripcionnan, na Censo. Y esey ta haci tambe. AZV ta percura pa haya informacion di e clientenan cu tambe por controla eigenlijk den e sistema y asina ey a yega berdad na un conclusion durante aña cu AZV tambe tabata wak un cierto grupo cu eigenlijk no ta hoor cerca AZV. Ta importante pa sa, cu si hustamente den comparacionnan aki, AZV tin gruponan cu ta wordo exclui tambe door di e ley.
Loke ta e consulnan of e mariniernan. Esakinan ta hendenan cu no necesariamente ta inscribi na AZV, pasobra generalmente nan tin un otro areglo pa loke ta nan cuido medico. Bo tin cierto gruponan cu berdad ley di AZV mes ta exclui.
Loke a pasa si durante añanan, a compronde di Censo cu nan tin entre 11 y 12 mil persona cu nan tambe tin eigenlijk categorisa, inscribi cerca nan, pero cu nan no sa si nan ta berdad loke ta yama atrobe residencia na Aruba. A compronde cu esey ta eigenlijk cu investigacion, cu nan lo kier bay haci. Nan kier bay check kico a sosode cu e grupo di personanan aki, segun Tchong.