MAMBO ta ‘in oprichting’ unda cu nan tabata tin un afspraak cu Kamer van Koophandel, unda cu nan a pidi pa Kamer van Koophandel ta nan sede. Sra. Marjorie Vermeer, di MAMBO cu e informacion.
Pa loke ta trata Kamer van Koophandel, nan tin tur e ifnormacion, di cuanto tiende ta cera, ken ta e doñonan. Loke MAMBO kier ta pa haci uzo di e informacion aki pa uni bek. Segun Sra. Vermeer, “ban haci Caya Grandi cu tur e ayudo cu tin”. Si nan haya Kamer van Koophandel duna MAMBO oido, pa nan por establece na sede di Kamer van Koophandel, nan lo cuminsa na mara tur e comerciantenan hunto. Kisas algun mall lo kibra, pero e Caya Principal, cu ta e curason di nos pueblo lo keda pa semper.
Mas di 70% di e comercio ta den man di e comunidad Hindu, manera un Palais Hindu, cu tin hopi aña aki na Aruba. Y nan a carga Aruba den tur tempo. Nan ta innovativo, segun Sra. Vermeer. No ta sigur si e comunidad Hindu lo kier habri anochi. “Nos no ta kere den nos mes, ban haci algo. Sinta warda morto, e no ta bay funciona”.
Como MAMBO ‘in oprichting’, cu si e comerciantenan no kier habri pa un anochi so, manera Sra. Lindey Croes, di AREA a pidi, pa dia 2 di november anochi of 1 di december, tur comercio di Aruba, mester ta al tanto, cu comercio tin posibilidad di keda habri te 10 or di anochi. Lanta e baranan, otro comerciantenan lo pone nan cuminda y bebida. E ora comerciantenan lo ripara cu tin otro hende cu si kier inverti den caya, pa trece bida bek den caya, segun Sra. Marjorie Vermeer, di MAMBO.