Siman pasa a sali ocho hungado di Aruba pa un torneo grandi na Corsou. Un total di 30 hungado incluyendo hungadonan di Trinidad y Corsou a forma e “field”. Riba e prome dia, Ditto Acosta ta sali gana tres wega di tres Curasoleño Salim Kuzi 8-1, Nelo Fransisca 8-6 y Sybren Boekhoudt 8-5. Diasabra anochi Acosta a midi forsa cu un di e topnan di Corsou pero ta cay venci 4-8. Diadomingo ta e dia largo. Acosta ta sali contra e Campeon di Curacao Pool Tour 2015 Jeffrey Niewehuyzen y Acosta ta vence 8-3. Siguiente ta otro hoben di Corsou, Fauzi Halabi kende a cabi regresa di Hulanda unda algun aña el a draai den torneonan grandi. Cu score di 8-7 Acosta ta elimina Halabi actual #1 di ranking CPT. Siguiente ta e revancha cu Farah, den otro gran bataya Acosta ta keda elimina 7-8 pa Bryan Farah. Farah ta bay bek pa topa Shamir Tremus den final pero aki e hobencito Shamir, kende ta Campeon hubenil Panamericano ta bolbe dal Farah, e biaha aki 10-8 pa e hoben 14 aña bira Campeon. Acosta kende tin 10 luna sin participa na un torneo a keda satisfecho cu e premio tercer lugar total di 5 victoria y 2 derota. Acosta lo sigui den training pa proximamente representa Aruba na Granprix Panamericano Bola-9 na Panama. Un danki special na Famia Odor di Big Wheel Lottery, vuelonan perfecto na ora cu Insel Air y Pizza Hut.