Cruz Cora ta entrega 500,000 cuminda na muchanan afecta pa horcan

0
RBC Juli 2018
Funmiles-2018

ST. MAARTEN – Seis luna despues di horcan Irma, Red Cross St. Maarten, branch di Nederlandse Rode Kruis, ta re-afirma su compromiso di yuda reconstrui St. Maarten dor di entrega 500,000 cuminda na muchanan afecta pa horcan.

“Esaki ta un ehempel di nos compromiso di termino largo cu e comunidad di St. Maarten,” Michele Rezza Sanchez, Hefe di Mision pa Nederlandse Rode Kruis ta bisa. “No solamente nos a entrega mey miyon cuminda cu nos programa di alimentacion via scolnan, pero nos a extende e programa aki cu tres luna mas. Y awor nos a extende pa inclui 177 mucha mas di 6 scol secundario.”

For di oktober 2017, personal di Cruz Cora a provee desayuno sano y lunch na mas of menos 3350 alumno den 18 scol basico. Cruz Cora a distribui mas cu 11,000 voucher di cuminda na famianan den necesidad. Un proyecto “Waste to Work” a wordo lansa recientemente cu lo pone entrepreneurs local ‘upcycle’ desperdicio produci pa horcan y hende pa crea productonan nobo cu por wordo bendi. Tambe 2000 famia lo ricibi material y expertisio tecnico pa yuda nan reconstrui nan cas destrui pa horcan.

Cu temporada di horcan algun luna leu, Cruz Cora ta preparando e comunidad pa segura cu nan ta bon prepara pa cualkier eventualidad. “Nos awor ta den proceso di crea ‘disaster response teams’ den cada comunidad den e 9 barionan cu nos ta trahando aden,” branch manager di St. Maarten Red Cross Nadjesca Gumbs a bisa. “E teams aki lo consisti di persona cu ta biba den e barionan. Despues di ricibi e training, nan lo ta e promenan pa responde ora cu tin un emergencia.”

E programanan aki ta wordo financia pa tur donacion ricibi di publico durante e campaña di fundraising lanza pa Nederlandse Rode Kruis inmediatemente despues di Horcan Irma. Den esaki Aruba tambe a participa cu fondo colecta pa comunidad di Aruba via Cruz Cora Aruba. E $21 miyon dollar recauda den Reino Hulandes a yuda cu e ‘Operation Red Cross’ na September 2017, y awor ta sigui sostene e recuperacion di e isla riba termino largo.

Comments

comments

C: Heineken
new india