Sra Indira Anthony Pereira a splica cu dia 8 di mei ta celebra dia internacional di Cruz Cora, esey ta e fecha natal di e fundador internacional di Cruz Cora cu ta sr. Henry Dundad.
Na Aruba nos lo celebra en grandi cu comunidad diadomingo awo 5 di mei for di 10’or di mainta pa 3’or di atardi na edificio di Cruz Cora mes na Dakota.
Jeugd Cruz Cora lo duna grupo pa grupo un recorido di e edificio di Cruz Cora di dak te cu garashi, unda nan lo duna informacion y conta e historia di Cruz Cora.
Tambe lo ta bay tin un mercado di mucha unda ta brinda e oportunidad na muchanan pa bende nan co’i hunga, buki cu otro mucha y asina re usa. E muchanan ta siña negocia y gana un placa extra.
Den e cas di emergencia lo bay tin boluntarionan pa tuma sucu y presion pa e suma di 5 florin. Lo tin un charity bazaar, unda tur cos lo ta na prijs di baca flaco y tur a ganashi ta bay bek den pakete di cuminda y ayudo social.
Tambe lo tin:
- Un festival di bolo cu un variedad di bolo dushi y un fiesta box.\
- Un drive pa colecta producto pa baby manera: wipes y pampers
- Facepainting
- Huki di alegria pa tur muchanan
Pa mas informacion di e evento por bay riba nos facebook page: Red Cross Aruba.