Cruz Cora Aruba lo tene su di dos workshop informativo pa publico, e diabierna aki, 16 di Maart, 2018. E prome a tuma lugar na Januari y tabata pa conscientisa tocante Dementia y a wordo duna pa Dr. Falconi, Centro pa Memoria y Cas Marie. Den e serie di workshops aki, Cruz Cora ta purba scohe topiconan actual di hopi importancia pa nos comunidad. Pesey diabierna awor, ta invita comunidad pa su workshop “Con pa reconoce victima di Abuso” cu lo wordo duna pa Dr. Louise Rafael-Croes y Comisario di Polis, Sra. Trudy Hassell.
E workshop lo tuma lugar den e training room di Cruz Cora, den su edificio mesora pega cu oficina di SAC y lo cuminsa 7’or di anochi.
Tur hende ta bon bini y no mester registra.